මියන්මාරයේ ප්රජාතන්ත්රවාදය සඳහා වන ජාතික ලීගයේ නායිකා අවුන්සාන් සුකී ඇතුළු දේශපාලන නායකයන් අත්අඩංගුවට ගනිමින් සිදුවූ හමුදා කුමන්ත්රණය ලොව පුරා රටවල් රැසක විවේචනය කර තිබෙනවා. මේ අතර අවුන්සාන් සුකීගේ නමින් නිකුත් කෙරුණු නිවේදනයක දැක්වෙන්නේ මෙම කුමන්ත්රණයට එරෙහිව වීථි බසින ලෙස මියන්මාර ජනතාවගෙන් ඉල්ලා සිටින බවටයි. මේ වනවිට මියන්මාරයේ අන්තර්ජාල සම්බන්ධතා බිඳ වැටී ඇති අතර එරට බැංකු සහ මූල්ය සේවාද තාවකාලිකව වසා දමා තිබෙනවා. මෙම තත්ත්වයත් සමඟ එරට වැසියන් අත්යවශ්ය ආහාර ද්රව්ය මිලදී ගැනීම සඳහා දිග පෝලිම්වල රැදී සිටින ආකාරය විදෙස් මාධ්ය වාර්තා කර තිබුණා.මේ අතර ඇමරිකානු රාජ්ය ලේකම්වරයා, බ්රිතාන්ය අග්රාමාත්යනවරයා ඇතුළු රාජ්ය නායකයින් රැසක්ම නිවේදන නිකුත් කරමින් කියා සිටියේ නීති විරෝධි ලෙස රඳවා සිටින මියන්මාර දේශපාලක නායකයින් නිදහස් කළ යුතු බවයි.
