කොරෝනා ආසාදිතයින්ට ප්‍රතිකාර සඳහා වෙන්කළ කුරුණෑගල ශික්ෂණ රෝහලේ වාට්ටු සියල්ලම රෝගීන්ගෙන් පිරී ඉතිරී ගොස් ඇති බව රෝහලේ අභ්‍යන්තර ආරංචි මාර්ග සඳහන් කරනවා.
කුරුණෑගල ශික්ෂණ රෝහලේ නේවාසික රෝගීන් අතරින් 85 දෙනකුම කොරෝනා ආසාදිතයින් බවට තහවුරු වූ බවද එම ආරංචි මාර්ග වැඩි දුරටත් සඳහන් කළා.
කොරෝනා බවට සැකකරන රෝගීන් සඳහා පමණක් ප්‍රතිකාර වාට්ටු 7 ක් මේවනවිට රෝහලේ පවත්වාගෙන යන අතර එම වාට්ටු වලට අමතරව වෙනත් සාමාන්‍ය ප්‍රතිකාර ඒකකවලට අයත් වාට්ටු වලින්ද කොරෝනා ආසාදිතයින් වාර්තා වන බව කුරුණෑගල ශික්ෂණ රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා සඳහන් කර තිබෙනවා.
මෙම රෝගීන් සඳහා හැකි උපරිම ආකාරයට ප්‍රතිකාර ලබා දෙමින් අවශ්‍ය පීසීආර් පරීක්ෂණ සිදු කරමින් තිබෙන බවද නමුත් රෝගීන් බහුල වීම බරපතළ ගැටළුවක් වී ඇති බවද වෛද්‍යවරයා පැවසුවා.
