ඇෆ්ගනිස්ථානයේ කාබුල් අගනුවර අල්ලා ගැනීමත් සමඟ වසර විස්සකට පසු තලේබාන් සංවිධානය ඇෆ්ගනිස්ථානය තුළ තම ජයග්රහණය තහවුරු කර ඇත.
ඊයේ දිනයේ තලේබාන් සටන්කාමීන් විසින් ඇෆ්ගනිස්ථානයේ ජනාධිපති මන්දිරය සියතට ගෙන ඇති අතර ආයුධ සන්නද්ධ සටන්කරුවන් බොහෝ පිරිසක් තවමත් එහි රැඳී සිටින බව වාර්තා වනවා.
තලේබාන් සංවිධානයේ ප්රකාශකයෙකු අල් ජසීරා පුවත් සේවයට පවසා ඇති ඇත්තේ යුද්ධය අවසන් බවයි.
ඇෆ්ගනිස්ථාන ජනාධිපති අෂ්රෆ් ඝානි තමාට ලේ වැගිරීම් අවශ්ය නොවන බව පවසමින් ටජිකිස්ථානයට පැන ගොස් ඇති බවයි විදෙස් මාධ්ය වාර්තා කරන්නේ.
මේ හේතුවෙන් ඇෆ්ගනිස්ථානය තුළ උද්ගතවී ඇති අස්ථාවර තත්ත්වය මත ඇෆ්ගනිස්ථානයේ සිටින ජනතාව එරටින් පලා යෑමට උත්සාහ කරමින් සිටිනවා.
ඊයේ රාත්රියේ රටවල් 60කට වැඩි ප්රමාණයක් ජනතාවට ආරක්ෂාකාරීව ඉවත් වීමට ඉඩ ලබාදෙන ලෙස තලේබාන් සංවිධානයෙන් ඉල්ලමින් ඒකාබද්ධ නිවේදනයක් නිකුත් කර ඇත.
මේ අතර, වෙනත් රටක සිවිල් යුද්ධයක් සඳහා ඇමෙරිකානු භටපිරිස් යෙදවීම සාධාරණීකරණය කළ නොහැකි බව පවසමින් ඇමරිකානු ජනාධිපති ජෝ බයිඩන් ඇෆ්ගනිස්ථානයේ සිටි ඇමෙරිකානු හමුදාව ඉවත් කර ගැනීම මහත් ආන්දෝලනයක් ඇති කර තිබෙනවා.
ඇමරිකානු රාජ්ය ලේකම් ඇන්ටනී බ්ලින්කන් රටින් ඉවත් වීමට කැමති ඇෆ්ගන් ජාතිකයන්ට සහ විදේශිකයන්ට ඒ සඳහා අවසර දිය යුතු බවත් ගුවන්තොටුපළ, පාරවල් සහ දේශ සීමා හරස් මාර්ග විවෘතව තැබිය යුතු බවත් ට්විටර් පණිවිඩයක් මගින් නිවේදනය කර තිබෙනවා.
තලේබාන් දේශපාලන කාර්යාලයේ ප්රකාශක මොහොමඩ් නයීම් පවසා ඇත්තේ ඇෆ්ගනිස්තානයේ නව පාලන තන්ත්රය ස්වභාවය ඉතා ඉක්මනින් පැහැදිලි කරන බවත් තලේබාන් සංවිධානයට හුදකලාව ජීවත්වීමට අවශ්ය නැති අතර සාමකාමී ජාත්යන්තර සබඳතා ඉල්ලා සිටින බවයි.
Photos : AP / AsiaTimes
