සෞඛ්‍ය ප්‍රවර්ධන කාර්යංශයේ දී ඊයේ(29) පැවති මාධ්‍ය හමුවක් අමතමින් වසංගත රෝග විද්‍යා අංශයේ අධ්‍යක්ෂ විශේෂඥ වෛද්‍ය සමිත ගිනිගේ මහතා පැවසුවේ කොවිඩ් ආසාදනය වී වයස අවුරුදු 30ට අඩු 150 දෙනෙක් මියගොස් ඇති බවත් ඒ අතරින් 96 දෙනකු වයස අවුරුදු 20ත් 30ත් අතර වයස් කාණ්ඩයේ පසුවන අය බවත්ය.
අධ්‍යක්‍ෂවරයා සඳහන් කළේ වයස අවුරුදු 20ත් 30ත් අතර කාණ්ඩයේ පසුවන සියලු දෙනා කොවිඩ් මර්දන එන්නත ලබාගැනීම ඉතා වැදගත් බවත් අවුරුදු 20ට වැඩි සියලු දෙනාට ලබාදීමට අවශ්‍ය එන්නත් මේ වන විටත් රට තුළ තිබෙන බවත්ය.
කොවිඩ් හේතුවෙන් සිදුවන මරණවලින් සියයට 85ක් පමණ 60ට වැඩි වයසේ පසුවන අය නිසා තරුණයින්ට ගැටලුවක් නැති බව ඇතැමුන් සිතුවත් එය එසේම වන බවට සහතිකයක් දිය නොහැකි බව ද හෙතෙම පැවසීය.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
