දිවයිනට ආසන්නයේ පවතින අඩු පීඩන කලාපය වයඹ දෙසට බරව ගමන්කර ශ්රී ලංකාවේ උතුරු වෙරළට ආසන්නව ක්රමයෙන් තමිල්නාඩු ප්රදේශය දක්වා ගමන්කිරීමේ හැකියාව පවතින බව කාලගුණවිද්යා දෙපාර්තමේන්තුව පවසයි.
මේ හේතුවෙන් උතුර, උතුරු මැද සහ වයඹ පළාත්වල සහ ත්රිකුණාමලය දිස්ත්රික්කයේ පවතින වැසි තත්ත්වය තවදුරටත් අපේක්ෂා කරන බවද එම දෙපාර්තමේන්තුව පවසයි.
මේ අතර අද දිනයේ උතුරු මැද සහ වයඹ පළාත්වලත් ත්රිකුණාමලය දිස්ත්රික්කයේත් විටින් විට වැසි හෝ ගිගුරුම් සහිත වැසි ඇති විය හැකියි.
එම දෙපාර්තමේන්තුව වැඩිදුරටත් පවසන්නේ ඇතැම් ස්ථානවලට මිලිමීටර් 100ට වැඩි වර්ෂාපතනයක් ඇතිවිය හැකි බවයි.
මේ අතර දිවයිනේ සෙසු ප්රදේශවල සවස්කාලයේ දී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකියි.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
