රජයට අයත් අවශේෂ කැලෑ, පරිපාලනය දිස්ත්රික් ලේකම්වරුන්ට හා ප්රාදේශීය ලේකම්වරුන්ට ලබාදීමට කටයුතු කිරීම පිළිබදව විවිධ පිරිස් විරෝධය එල්ල කරනවා. එම කැලෑවල අයිතිය තවදුරටත් රජය සතුව පවත්වාගනිමින් පරිසරයට වනජීවී සම්පත්වලට හා කැලෑවලට හානියක් නොවන පරිදි ආර්ථිකමය හා වෙනත් ඵලදායී කටයුතුවලට යොදවා ගත යුතු බව පසුගිය ජූලි මාසයේ පැවති අමාත්ය මණ්ඩල රැස්වීමේදී පෙන්වා දුන්නා.කෙසේ වෙතත් පරිසර සංවිධාන මෙන්ම බොහෝ පිරිස් ඊට විරෝධය එල්ල කරන්නේ ඒ හරහා අදාළ වනාන්තර විනාශ විය හැකි බවයි. මේ සම්බන්ධයෙන් පාර්ලිමේන්තු මන්ත්රී ආචාර්ය හර්ෂ ද සිල්වා ද නිවේදනයක් නිකුත් කරමින් සිය විරෝධය පළ කරනවා. ඔහු පෙන්වා දී ඇත්තේ අවශේෂ කැලෑ ලෙස අදාළ කොටස් හැඳින්වුවද ඒවා ජෛව විවිධත්වය අතින් ඉතා ඉහළ මට්ටමක පවතින බවයි. ගංඟා ඇළදොළ රක්ෂිත මෙන්ම ඓතිහාසික සහ පුරාවිද්යාත්මක ස්ථානද අදාළ ප්රදේශවල පිහිටා ඇති බවයි මන්ත්රීවරයා නිකුත් කළ නිවේදනයේ දැක්වෙන්නේ. වගා කළ හැකි ඉඩම් අවශ්ය තරම් රට තුළ තිබියදීත් වනාන්තර විනාශ කිරීමට මෙලෙස කටයුතු කිරීම පරිසරයට සිදුකරන දැවැන්ත විනාශයක් බවද ඔහු පෙන්වා දෙනවා.
