ඊයේ (11) දින උදෑසන වනවිට ශ්රී ලංකාවෙන් කොවිඩ් - 19 ආසාදිත පුද්ගලයින් 430 ක් හඳුනාගෙන තිබෙනවා. එම පුද්ගලයන් 430 දෙනා දේශියව හඳුනාගත් පුද්ගලයන් ලෙස වාර්ථා වේ.
ඊයේ(11) උදෑසන වනවිට, මිනුවන්ගොඩ ඇඟලුම් කම්හලට අදාළ පොකුරෙන් වාර්තා වූ කොවිඩ් - 19 වෛරස් ආසාදිත සම්පූර්ණ පුද්ගලයින් සංඛ්යාව 11,237 ක් වේ. ඒ අතරින්, මිනුවන්ගොඩ ඇඟලුම් කම්හලේ සේවකයින් 1,041 ක්, පෑලියගොඩ මාළු වෙළඳපොළෙන් පුද්ගලයින් 1,007 ක් සහ ඉතිරි පුද්ගලයින් 9,189 දෙනා මිනුවන්ගොඩ ඇඟලුම් කම්හලේ ආසාදිතයින්ගේ සහ පෑලියගොඩ මාළු වෙළඳපලේ ආසාදිතයින්ගේ ආශ්රිතයින් වේ.
පෙරේදා (10) දින රාත්රි EK 648 දරණ මගී ගුවන් යානය මගින් ඩුබායි සිට පුද්ගලයින් 50 ක් ද, ඊයේ (11) දින උදෑසන ET 8804 දරණ මගී ගුවන් යානය මගින් ඉතියෝපියා සිට පුද්ගලයින් 110 ක් සහ UL 226 දරණ මගී ගුවන් යානය මගින් ඩුබායි සිට පුද්ගලයින් 270 ක් මෙරටට පැමිණ ඇත. තවද, ඊයේ (11) දින උදෑසන UL 1024 දරණ මගී ගුවන් යානය මගින් ඉන්දියාවේ මුම්බායි සිට පුද්ගලයින් 66 ක් දිවයිනට පැමිණිමට නියමිතව ඇත. එසේ පැමිිණෙන පුද්ගලයින් ත්රිවිධ හමුදාව මගින් පාලනය කරනු ලබන නිරෝධායන මධ්යස්ථාන තුළ නිරෝධායන කටයුතු සඳහා යොමු කිරීමට කටයුතු සූදානම් කර ඇත. ඊයේ (11) දිනය තුළදී ද ත්රිවිධ හමුදාව විසින් පවත්වාගෙන යනු ලබන නිරෝධායන මධ්යස්ථාන තුලින් පුද්ගලයින් 08 ක් තම නිරෝධායන කටයුතු අවසන් කර නිවෙස් වෙත පිටත්ව යාමට නියමිතයි. ඒ අනුව, දික්වැල්ල රිසෝට් නිරෝධායන මධ්යස්ථානයෙන් එක් පුද්ගලයෙකු, හොටෙල් වින්ඩ් බිච් නිරෝධායන මධ්යස්ථානයෙන් පුද්ගලයින් 02 ක් සහ රැවල් රිසෝට් කල්පිටිය නිරෝධායන මධ්යස්ථානයෙන් පුද්ගලයින් 05 ක් වශයෙන් වේ. එසේම, ත්රිවිධ හමුදාව විසින් පවත්වාගෙන යනු ලබන නිරෝධායන මධ්යස්ථාන තුලින් ඊයේ (11) දිනය වනවිට පුද්ගලයින් 64,263 දෙනෙකු නිරෝධායන ක්රියාවලිය අවසන් කර තම නිවෙස් වෙත පිටව ගොස් ඇත.
එසේම, ඊයේ (11) දිනය වනවිට ත්රිවිධ හමුදාව මගින් පාලනය කරනු ලබන නිරෝධායන මධ්යස්ථාන 28 ක් තුළ පුද්ගලයින් 2,277 දෙනෙකු නිරෝධායනය වෙමින් සිටියි.
පෙරේදා (10) දිනය තුලදී PCR පරික්ෂණ 8,272 ක් සිදුකර ඇති අතර, මේ වනවිට ශ්රී ලංකාව තුළ PCR පරික්ෂණ 619,108 ප්රමාණයක් සිදුකර ඇත.
ඊයේ (11) දින උදෑසන 0600 වනවිට (පසුගිය පැය 24 තුළ) පුද්ගලයින් 657 ක් පූර්ණ සුවය ලබා රෝහල්වලින් පිටව ගොස් ඇත. එම පුද්ගලයින් අතරින් 656 දෙනෙකු මිනුවන්ගොඩ ඇඟළුම් කම්හල පොකුරට අයත් පුද්ගලයින් වන අතර අනෙක් පුද්ගලයා විදේශිය රටක සිට මෙරටට පැමිණි පුද්ගලයෙකු වේ.
