රජයේ වාණිජ විවිධ නීතිගත සංස්ථාවේ මඩකලපුව ශාඛාව වෙළෙඳ අමාත්ය ආචාර්ය බන්දුල ගුණවර්ධන මහතා අතින් ජනතා අයිතියට පත්විය.
ගොවීන් විසින් නිෂ්පාදනය කරන වී තොග, රජයේ මැදිහත් වීමෙන් යුක්තව මිළදීගෙන වෙළෙඳපොලට නිකුත් කිරීම,පාරිභෝගික ජනතාවට ගුණත්වයෙන් ඉහළ භාණ්ඩ සාධාරණ මිළකට නිකුත් කිරීමේ වගකීම දක්වා වූ ක්රියාවලිය මැනවින් ඉටු කිරීමේ අරමුණින් ඉදි වූ මෙම රජයේ වාණිජ විවිධ නීතිගත සංස්ථා ශාඛාව ජනතාවගේ ආයතනයක් වශයෙන් කටයුතු කරනු ලබන බව මෙහිදී කියා සිටියේය.
එමෙන්ම ලොව පුරා පවත්නා දරුණු වසංගත තත්වය හමුවේ වුවද ජනතාව වෙනුවෙන් නොපිරිහෙළා සිය වගකීම ඉටු කිරීමට වත්මන් රජය කැප වී කටයුතු කර ඇති අයුරු ද බන්දුල ගුණවර්ධන මහතා විසින් පෙන්වා දෙන ලදී.
විපක්ෂය කුමන මතිමතාන්තර ඉදිරිපත් කළ ද පවත්නා අභියෝග හමුවේ ක්රියාත්මක සංවර්ධන ව්යාපෘති වල අග්රඵලය සෑම පුරවැසියෙකුටම එක හා සමානව ලබා දීමේ වගකීම ජනාධිපතිවරයා ප්රමුඛ වත්මන් රජය විසින් ඉටු කරනු ලබන බව ද මෙහිදී අවධාරණය කරන ලදී.
ප්රදේශයේ පවත්නා වී තොග නිෂ්පාදනය සම්බන්ධයෙන් අදහස් දක්වමින් ඇමතිවරයා ප්රකාශ කළේ ගොවියාට වඩාත් සාධාරණ මිළක් ලබා දීමට අවශ්ය නීති ප්රතිපාදන ලබා දී ඇති මෙවන් අවස්ථාවකදී සහල් සඳහා පනවා ඇති උපරිම මිළ ගණන් වැඩි කිරීම සඳහා කිසිසේත් කටයුතු කිරීමට අවකාශ නොදෙන බැවින් සහල් මාෆියාවේ අතකොළු බවට පත් නොවී නිෂ්පාදකයා කටයුතු කළ යුතු බවයි.
මෙවැනි වසංගත තත්වයක් හමුවේ වුවද කිසිදු පසුබට වීමකින් තොරව මාතෘ භූමිය සුරක්ෂිත කරගැනීම සඳහා සියළු පුරවැසියන් එක්ව කටයුතු කළයුතු බව ද අමාත්යවරයා මෙහිදී වැඩිදුරටත් ප්රකාශ කරන ලදී.
