ශ්‍රී ලංකාවේ 8 වන විධායක ජනාධිපතිවරයා ලෙස රනිල් වික්‍රමසිංහ මහතා මීට සුළු මොහොතකට පෙර අගවිනිසුරු ජයන්ත ජයසූරිය මහතා ඉදිරියේ දිවුරුම් දෙනු ලැබුවා.
හිටපු ජනාධිපති ගෝඨාභය රාජපක්ෂ මහතා ධුරයෙන් ඉල්ලා අස්වීමෙන් පසු පාර්ලිමේන්තුව තුළින් තෝරා පත්කරගත් අනුප්‍රාප්තික ජනාධිපති ජනාධිපතිවරයා ලෙස ඔහු අද දිවුරුම් දුන්නා.
රනිල් වික්‍රමසිංහ මහතා ශ්‍රී ලංකාවේ ජනාධිපතිවරයා ලෙස දිවුරුම් දෙන්නේ සමාජ ආර්ථික සහ දේශපාලනමය වශයෙන් දැඩි අර්බුදකාරී වාතාවරණයක් හමුවේ වීම විශේෂත්වයක්.
1949 වසරේ මාර්තු 24 වනදා කොළඹ කුරුඳුවත්ත ප්‍රදේශයේ උපත ලද ඔහු 1977 දී බියගම ආසනය නියෝජනය කරමින් එක්සත් ජාතික පක්ෂයෙන් ලාබාලතම මන්ත්‍රීවරයා ලෙස ශ්‍රී ලංකා පාර්ලිමේන්තුවට තේරී පත් වනවා.45 වසරක ඔහුගේ දේශපාලන දිවිය තුළ නියෝජ්‍ය අමාත්‍ය, අමාත්‍ය, විපක්ෂනායක ධූරය මෙන්ම අවස්ථා 06 කදී මෙරට අග්‍රාමාත්‍යවරයා ලෙස ද කටයුතු කළා.
දේශපාලන ඉතිහාසයේ වැඩිම නිලතල දැරූ දේශපාලනඥයින් අතරට එක්වන රනිල් වික්‍රමසිංහ මහතා 1999 සහ 2005 වසරවල ජනාධිපතිවරණය සඳහා ඉදිරිපත් වුවද ඔහු පරාජයට පත්වුණා.
2020 වසරේ පැවති පාර්ලිමේන්තු මැතිවරණයේ දී එක්සත් ජාතික පක්ෂයට හිමි වූ එකම ජාතික ලැයිස්තු මන්ත්‍රීධුරය නියෝජනය කරමින් පාර්ලිමේන්තුවට පිවිසි අතර හිටපු ජනාධිපති ගෝඨාභය රාජපක්ෂ මහතාගේ ආරාධනාවෙන් ඉකුත් මැයි මාසයේ යළි අග්‍රාමාත්‍යවරයා ලෙස දිවුරුම් දුන්නා.
73 හැවිරිදි රනිල් වික්‍රමසිංහ මහතා සිය හතරක දේශපාලන දිවිය තුළ තුළ ලබා ගත හැකි ඉහළම කළ යුතුද ළඟාවෙමින් මීට සුළු සුළු මොහොතකට පෙර ශ්‍රී ලංකාවේ 8 වන විධායක ජනාධිපතිවරයා ලෙස දිවුරුම් දෙනු ලැබුවා.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
