කොරෝනා ආසාදනය වීමෙන් මියයන මුස්ලිම් ජාතිකයන්ගේ දේහයන් භූමදානය කිරීම සම්බන්ධයෙන් බොරැල්ල සුසාන භූමිය ඉදිරිපිටදී අද පෙරවරුවේ නිහඬ විරෝධතාවයන් දෙකක් සංවිධානය කර තිබුණා. සමගි ජන බලවේගය විසින් එක් විරෝධතාවක් සංවිධානය කර තිබූ අතර, ඔවුන් ප්රකාශ කළේ කොරෝනා ආසාදිතව මිය යන මුස්ලිම් ජාතිකයන්ගේ දේහයන් භුමදානය කිරීමට රජය කඩිනමින් අවසර ලබා දිය යුතු බවයි.එමෙන්ම, භූමදානයට අවසර ලබාදීමට විරෝධය පළ කරමින් අපේ ජන බල පක්ෂය අනෙක් විරෝධතාව සංවිධානය කර තිබූ අතර, ඊට එම පක්ෂයේ කොළඹ දිස්ත්රික් නායක ඩෑන් ප්රියසාද් එක්ව සිටියා.මේ අතර භූමදානයට අවසර ලබාදෙන්නේ ද නැද්ද යන්න සම්බන්ධයෙන් සොයා බැලීම සඳහා පත් කළ විශේෂඥ කමිටුව අද පෙරවරුවේ සෞඛ්ය අමාත්යාංශයේදී යළි රැස්වුණා. කෙසේ වෙතත්, එහිදී ගනු ලැබූ තීරණය පිළිබද මෙතෙක් නිළ නිවේදනයක් නිකුත් කර නැහැ.
