ශ්රී ලංකා ක්රිකට් කණ්ඩායමේ නව කළමනාකරු වශයෙන් ජෙරම් ජයරත්න මහතාව පත් කිරීමට ශ්රී ලංකා ක්රිකට් ආයතනය පියවර ගෙන තිබෙනවා.
ඒ අනුව ජයරත්න මහතා එළැඹෙන පෙබරවාරි මසදී පැවැත්වෙන ශ්රී ලංකා කණ්ඩායමේ එංගලන්ත තරග සංචාරයේදී ශ්රී ලංකා පිලේ කලමනාකරු ලෙසින් කටයුතු කරනු ඇති.
කළමනාකරු ලෙසින් කටයුතු කළ අසන්ත ද මෙල් මහතා පෞද්ගලික හේතූන් මත එංගලන්තය සමඟ පැවැති තරගාවලියෙන් පසු එම ධුරයෙන් ඉල්ලා අස්වීමත් සමඟ ජයරත්න මහතාව එම තනතුරට පත් කර තිබෙනවා.
මෙම තනතුරට අමතරව ජෙරම් ජයරත්න මහතා ශ්රී ලංකා ක්රිකට් ආයතනයේ ප්රධාන ක්රිකට් මෙහෙයුම් නිලධාරියා ලෙස කටයුතු කරනු ලබන අතර කණ්ඩායම් කළමනාකරු ලෙසත් කටයුතු කරනවා.
වෘත්තීය පුහුණුකරුවකු වන ජයරත්න මහතා මීට පෙර ශ්රී ලංකා ක්රිකට් ආයතනයේ ප්රධාන මෙහෙයුම් නිලධාරී තනතුරද හෙබවුවා.
ශ්රී ලංකා කණ්ඩායම තරග කිරීමේදී අවස්ථා ගණනාවකදී කණ්ඩායමේ අතුරු පුහුණුකරු ලෙසින් කටයුතු කර ඇති ජයරත්න මහතා මෑතකදී කණ්ඩායමේ උපදේශකවරයකු ලෙස ද කටයුතු කළා.
