කොළඹ වරායේ නැගෙනහිර පර්යන්තය සම්බන්ධයෙන් වරාය වෘත්තීය සමිති ලබාදුන් යෝජනා අධ්යයනය කිරීම සඳහා පත් කළ අමාත්ය මණ්ඩල අනුකමිටුව අද (25) යළි රැස්වුණා.එම අනුකමිටුවේ ප්රධානී, වරාය අමාත්යාංශයේ ලේකම් යූ.ඩී.සී. ජයලාල් හිරු ප්රවෘත්ති අංශයට සඳහන් කළේ පෙරවරු 8.30 ට වරාය අමාත්යාංශයේදී ආරම්භ වූ එම රැස්වීම මේ වනවිටත් පැවැත්වෙන බවයි. එසේම, මේ සතිය තුල තවත් අවස්ථා කිහිපයකදීම අනුකමිටුව රැස්වීමට නියමිත බව ද ලේකම්වරයා ප්රකාශ කළා.වෘත්තීය සමිති ඉදිරිපත් කළ යෝජනාවලට අමතරව, ජපානය සහ ඉන්දියාව සමඟ ඇති කරගත් අවබෝධතාවල අන්තර්ගත යෝජනාද මෙම රැස්වීමේදී සාකච්ඡාවට ලක් කරන බවයි වරාය අමාත්යාංශ ලේකම්වරයා සඳහන් කළේ.ඉන් අනතුරුව, එම නිර්දේශ, අමාත්ය මණ්ඩලයට භාරදීම සඳහා සකස් කරන වාර්තාවට ඇතුළත් කිරීමට නියමිතයි. නැගෙනහිර පර්යන්තය පිළිබඳව ගන්නා ඉදිරි ක්රියාමාර්ග සම්බන්ධයෙන් සාකච්ඡා කර සම්මුතියකට එළැඹීම සඳහා 07 දෙනෙකුගෙන් සමන්විත මෙම අමාත්ය මණ්ඩල අනුකමිටුව පසුගියදා පත් කරනු ලැබුවා.
_copy_1280x737.jpg)
