ජනාධිපති ගෝඨාභය රාජපක්ෂ මැතිතුමාගේ සහ නාගරික සංවර්ධන හා නිවාස අමාත්ය, අග්රාමාත්ය මහින්ද රාජපක්ෂ මැතිතුමාගේ සෞභාග්යයේ දැක්ම ප්රතිපත්ති ප්රකාශය යටතේ ක්රියාත්මක වන සෙත්සිරිපායේ 111 වන බහු මහල් කාර්යාල සංකීර්ණයේ ඉදිකිරීම් කටයුතු අද (22) පෙරවරු 9.30 ට බත්තරමුල්ල සෙත්සිරිපාය පරිශ්රයේදී ආරම්භ කිරීමට නියමිතය.
නාගරික සංවර්ධන, වෙරළ සංරක්ෂණ, අපද්රව්ය බැහැරලීම හා ප්රජා පවිත්රතා කටයුතු රාජ්ය අමාත්ය ආචාර්ය නාලක ගොඩහේවා මහතා අධීක්ෂණය කරන මෙම ව්යාපෘතිය මහල් 25කින් සහ වර්ග අඩි මිලියන 1.37 කින් සමන්විත කාර්යාල ගොඩනැගිල්ලකි.නවීන කාර්යාල පහසුකම්වලින් සමන්විත මෙම කාර්යාල සංකීර්ණය තුළින් රාජ්ය සහ අර්ධ රාජ්ය කාර්යාල රැසකට ඉඩ පහසුකම් සලසා ගැනීමට අපේක්ෂිතය.
වසර තුනහමාරකින් ඉදිකිරීම් කටයුතු අවසන් කෙරෙන මෙම කාර්යාල සංකීර්ණයේ සමස්ත වියදම රුපියල් බිලියන 16.7 ක් වන අතර, මෙහි ගෘහ නිර්මාණ ශිල්පීය උපදේශකයන් ලෙස නිර්මාණ ව්යාපෘති කළමණාකරණ හා උපදේශක අංශය කටයුතු කරනු ලබයි. විශාලතම ආයෝජනය සිදුකරන රජයේ කාර්යාල සංකීර්ණය සහිතව ඉදිකෙරෙන උසම ගොඩනැගිල්ලද මෙය වීම විශේෂත්වයකි.
නාගරික සංවර්ධන අධිකාරිය පූර්ණ හිමිකම් සහ මූල්ය දායකත්වය දරණ මෙම කාර්යාල සංකීර්ණය විවිධ මහජන පහසුකම්වලින් සමන්විත වන අතර එය වාණිජ කටයුතු, බැංකු කටයුතු, ආපනශාලා, රැස්වීම් ශාලා, විශේෂිත වූ උත්සව සහ රථගාල්, වෙනත් විවිධ කටයුතු වෙනුවෙන් වූ බහු කාර්ය ශාලා, ශාරීරික යෝග්යතා මධ්යස්ථාන වැනි පහසුකම්වලින්ද සමන්විත වේ.
සෙත්සිරිමහල් 111 බහු මහල් කාර්යාල සංකීර්ණය ශ්රී ජයවර්ධනපුර පරිපාලන කළාපය කේන්ද්රගතව ඉදිකෙරෙනු ඇත.
