සති දෙකක කාලයක් සඳහා පළාත් අතර සංචරණය සම්පූර්ණයෙන් තහනම් කරන බව යුද හමුදාපති, ජෙනරාල් ශවේන්ද්ර සිල්වා මහතා පවසයි. මෙම තහනම අද (13) මධ්යම රාත්රියේ සිට බල පැවැත්වේ.
යුද හමුදාපතිවරයා මේ බව සඳහන් කළේ ජනාධිපතිවරයාගේ ප්රධානත්වයෙන් අද පැවැති කොවිඩ් -19 පැතිරීම වැළක්වීම පිළිබඳ කාර්ය සාධක බළකා රැස්වීමේ දී ගත් තීරණ දැනුම්දෙමිනි.
පළාත් අතර පොදු ප්රවාහන සේවාද අත්හිටුවනු ඇති අතර සංචාරක, වරාය, ඇඟලුම් කර්මාන්ත ඇතුළු අත්යාවශ්ය සේවා සඳහා පමණක් පළාත් අතර සංචරණය කිරීම සඳහා අවසර හිමිවේ.
සැප්තැම්බර් මස 15 වනදායින් පසු කොවිඩ් මර්දන එන්නත් ලබාගත් බවට සඳහන් කාඩ් පත නොමැති පුද්ගලයින් පොදු ස්ථානවලට පැමිණීමේදී පරීක්ෂාවට ලක්කරන අතර අවන්හල්, සාප්පු සංකීර්ණ, සහ වෙළෙඳසැල් පවත්වාගෙන යෑමේදී ලබාදී ඇති සෞඛ්ය මාර්ගෝපදේශ දැඩිව අනුගමනය කළයුතු බවද යුද හමුදාපති, ජෙනරාල් ශවේන්ද්ර සිල්වා මහතා සඳහන් කර තිබේ.
