සෞඛ්ය ප්රවර්ධන කාර්යාංශයේ අධ්යක්ෂ, විශේෂඥ වෛද්ය රංජිත් බටුවන්තුඩාව මහතා පැවසුවේ කොවිඩ් ආසාදිතයන් පිළිබඳ දත්ත වාර්තා කිරීමේදී සංඛ්යාවල වෙනසක් සිදුවීම ගැන සෞඛ්ය අමාත්යාංශය සොයාබලමින් සිටින බවය. එමෙන්ම එය ඉක්මනින් නිවැරදි කිරීමට පියවර ගනු ඇති බවත් එමහතා පැවසීය.
තවදුරටත් අදහස් දක්වමින් එමහතා කියා සිටියේ කොවිඩ් මරණ අනුපාතය ගණනය කරන්නේ රෝගී සංඛ්යාවට සාපේක්ෂව බවත් මෙරටින් වාර්තා වූ රෝගීන් සංඛ්යාවේ සැබෑ දත්ත ලැබුණු පසු මරණ අනුපාතය ද අඩුවනු ඇති බවය.
සෞඛ්ය ප්රවර්ධන කාර්යාංශයේ දී අද (16) පැවති මාධ්ය හමුවක් අමතමින් විශේෂඥ වෛද්ය රංජිත් බටුවන්තුඩාව මහතා කියා සිටියේ මෙය දත්ත වාර්තා කිරීමේ ගැටලුවක් මිස දත්ත සැඟවීමක් නොවන බවත් දත්ත පද්ධතියේ සිදුවූ එම වරද නිවැරදි කරගැනීම සඳහා සෞඛ්ය සේවා අධ්යක්ෂ ජනරාල්වරයා දිස්ත්රික්ක හා පළාත් මට්ටමේ නිලධාරීන් ගෙන්වා අවශ්ය අධ්යයනය කටයුතු සිදුකරමින් සිටින බවය. එසේම සිදුවූ වරද වහා නිවැරදි කිරීමට අමාත්යාංශය කටයුතු කරමින් සිටින බව ද එමහතා ප්රකාශ කළේය.
