වෙළෙඳ අමාත්‍යාංශය විසින් අත්‍යවශ්‍ය භාණ්ඩ වර්ග 20ක් ඇතුළත් සහන මල්ලක් ‘1998 සහන මල්ල’ ලෙස රුපියල් 1,998 කට ලබිදීමට කටයුතු යොදා ඇත.
සාමාන්‍ය වෙළෙඳපොලේ රුපියල් 2600 කට වඩා වැඩි වටිනාකමින් යුත් මෙම සහන මල්ල ක්ෂණික ඇමතුම් අංක 1998 ඇමතීමෙන් නිවසටම ගෙන්වා ගත හැකි බවත් පළමු සති දෙක තුළ සහන මල්ල වෙනුවෙන් ප්‍රවාහන ගාස්තු අය නොකරන බවත් වෙළෙඳ අමාත්‍යංශයේදී අද (19) පැවැති මාධ්‍ය හමුවේදී වෙළෙඳ අමාත්‍ය ආචාර්ය බන්දුල ගුණවර්ධන මහතා පැවසුවා.
දිවයින පුරා සතොස අළෙවි ශාඛාවලින් හෙට (20) සිට මෙම සහන මල්ල ලබා ගැනීමේ හැකියාව ඇති බවත් සතොස සමඟ පෞද්ගලික අංශය ද ඒකාබද්ධ වීමෙන් මෙම ක්ෂණික ඇමතුම් සේවාව ක්‍රියාත්මක කිරීම හා බෙදාහැරීම කරන බවත් වෙළෙඳ අමාත්‍යවරයා වැඩිදුරටත් පැවසුවා.
ජනතාව මත පීඩනයක් ඇති වීම වළක්වාලමින් ලාභ ලැබීමේ අරමුණකින් තොරව මෙම ‘1998 සහන මල්ල’ වැඩසටහන ක්‍රියාත්මක කරන බව සඳහන් කළා.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
