අද පැවැති තුන්වන එක්දින තරගය ලකුණු 78 කින් ජය ගැනීමත් සමග ශ්‍රී ලංකාව සහ දකුණු අප්‍රිකාව අතර පැ
වති තරග තුනකින් සමන්විත එක්දින ක්‍රිකට් තරගාවලිය ජයග්‍රහණය කිරීමට ශ්‍රී ලංකාව අද සමත් විය.
දකුණු අප්‍රිකාවට එරෙහිව ශ්‍රී ලංකාව එක්දින තරගාවලියක් මෙසේ ජය ගන්නේ වසර 08 කට පසුවය. එසේම ශ්‍රී ලංකාව ක්‍රිකට් තරගාවලියක් ජයග්‍රාහණය කරන්නේ වසර එකහාමාරකට පමණ පසුවය.
තරග තුනකින් සමන්විත එක්දින තරගාවලිය අවසන් කරමින් අද(7) අවසන් තරගය කොළඹ ආර්. ප්‍රේමදාස ක්‍රීඩාංගනයේදී ශ්‍රී ලංකා වේලාවෙන් පස්වරු 2.30 ආරම්භ වුණා.
වසර 2 කට ආසන්න කාලයක් තිස්සේ එක්දින තරගාවලි ජයග්‍රහණයක් සොයා යන ගමනේ ශ්‍රී ලංකාවට මෙන්ම දකුණු අප්‍රිකාවටද අවසන් කඩඉම බවට පත්ව තිබෙන තෙවැනි එක්දින තරගයේදී කාසියේ වාසිය ජයග්‍රහණය කළ ශ්‍රී ලංකා නායක දසුන් ශානක තීරණය කළේ පළමුවෙන් පන්දුවට පහරදීමටයි.
පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 අවසන් වන විටදී ලකුණු 203 කට නවතාලීමට දකුණු අප්‍රිකානු පන්දු යවන්නෝ අද (07 දා) සමත්වූහ. ආරම්භයේ සිටම දැඩි ග්‍රහණයකට ගණිමින් පන්දු යැවීමට දකුණු අප්‍රිකානුවෝ සමත් වුවත් දවා ගැනීමට සමත්වූයේ කඩුලු 9 ක් පමණි.
පිතිකරුවන් අතර අද ලකුණු අතරට පැමිණෙමින් හුදෙකලා සටනක නිරතවූ චරිත් අකලංක ලකුණු 47 ක් රැස්කර ගත් අතර ශ්‍රී ලංකා ඉනිමේ සමස්ථයක් ලෙස ගැනීමේදී නිලකුණු පන්දු 172 ක් යැවීමට දකුණු අප්‍රිකානු පන්දු යවන්නෝ සමත්වූහ.
පිළිතුරු ඉණිමට ක්‍රීඩා කළ දකුණු අප්‍රිකානු කණ්ඩායම පන්දුවාර 29 යි පන්දු 05 කදී සියළු දෙනා දැවී රැස්කර ගැනීමට සමත්වන්නේ ලකුණු 125 ක් පමණි.
මෙම තරගයේ කැපී පෙනෙන සිදුවීමක් වූයේ සිය මංගල ක්‍රිකට් තරගයේ මංගල පන්දුවෙන්ම නවක ක්‍රීඩක මහීෂ් තීක්ෂණ කඩුල්ලක් දවා ගැනීමට සමත්වීමයි. ඔහු සිය පන්දුවාර 10 තුළදී ලකුණු 37 කට කඩුලු 04 ක් දවා ගැනීමට ද සමත් වීම මෙම ජයග්‍රහණයට විශාල සාධකයක් වුණා.
මෙයට පෙර මෙවන් දක්ෂතාවක් ශ්‍රී ලංකා ක්‍රීඩකයින් තිදෙනෙක්ම දක්වා ඇති අතර ඒ අය වන්නේ චරිත් බුද්ධික, කෞෂල්‍ය ලොකුආරච්චි සහ තිලාන් තුෂාර යන ක්‍රීකකයන්ය. ඒ අය පිළිවෙලින් සිම්බාබ්බේට එරෙහිව 2001 වසරේදීද, කෙන්යාවට එරෙහිව 2002 වසරේදීද, බටහිර කොදෙව්වන්ට එරෙහිව 2007 වසරේදීද එම දක්ෂතා පෙන්වා ඇත.
අද තරගයේ වීරයා සම්මානය පන්දුවාර 04 කදී දකුණු 16 ක් පමණක් ලබාදෙමින් කඩුලු 02 ක් දවාගත් දුෂ්මන්ත චමීරට හිමිවූ අතර තරගාවලියේ වීරයා සම්මානය හිමිවූයේ චරිත් අසලකට හිමි විය.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
