රුපියල් ලක්ෂ 60 ක් පමණ වටිනා මිනිස් පරිභොජනයට නුසුදුසු ගව මස් කිලෝ 6000ක් විශේෂ කාර්ය බලකාය භාරයට ගෙන තිබෙනවා.
මොරටුව විශේෂ කාර්ය බලකා කඳවුරට අනුයුක්තව ක්‍රියාත්මක වන විශේෂ කාර්ය බලකා විශේෂ මෙහෙයුම් 3 කණ්ඩායමට ලද බුද්ධි තොරතුරු අනුව ඊයේ (7) මෙම වැටලීම සිදුකර ඇති අතර ඒ් හොරොව්පතානෙ දී ඝාතනය කර දෙහිවලට රැගෙන ඒමින් තිබිය දීයී.
මස් ප්‍රවාහනය කළ ලොරි රථ දෙක ගම්පහ සිට දෙහිවල දක්වා ලුහුබැද විත් දෙහිවලදී පරීක්ෂාවට ලක් කිරීමේදී ඝාතනය කරන ලද ගවයින්ගේ මස් සමග හිස් හතළිහක් පමණ සොයා ගෙන ඇති අතර මහජන සෞඛ්‍ය පරීක්ෂකවරුන් කැඳවා මෙම ගවමස් පරික්ෂා කිරීමේදී ඔවුන් සඳහන් කළේ මේවා මිනිස් පරිභෝජනයට නුසුදුසු ඒවා බවයි.
මෙහිදී සැකකරුවන් දෙදෙනකු අත්අඩංගුවට ගෙන ඇති අතර වැඩිදුර විමර්ශණ සඳහා සැකකරුවන් සහ ලොරි රථ දෙක දෙහිවල පොලීසියට භාරදී තිබෙනවා.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
