රට තුළ උද්ගතව ඇති උග්ර ඖෂධ හිඟයට පිළියමක් ලෙස අත්යවශ්ය ඖෂධ 14ක් ආනයනය කිරීම සඳහා රුපියල් මිලියන 100ක් වෙන් කර තිබෙනවා.
ඊයේ (24) සෞඛ්ය අමාත්යාංශයේ පැවති ප්රවෘත්ති සාකච්ඡාවකට එක්වෙමින් සෞඛ්ය අමාත්ය කෙහෙළිය රඹුක්වැල්ල මහතා කියා සිටියේ තමන් මුදල් අමාත්යාංශයේ ලේකම් එස්.ආර්.ආටිගල මහතා සමඟ එක්ව අත්යවශ්ය ඖෂධ ගෙන්වීම සම්බන්ධයෙන් තක්සේරුවක් කළ බවයි.
මෙරට ඖෂධ අවශ්යතාවයෙන් 75%-80% අතර ප්රමාණයක් ඉන්දියාවෙන් ද 5%-10- අතර ප්රමාණයක් බංගලාදේශයෙන් සහ පකිස්ථානයෙන් ද තවත් 5%ක් චීනයද අනේ දේ කරන අතර යුරෝපයෙන් ඉතා සුළු ප්රමාණයක් ආනයනය කරන බව වාර්තා වනවා.
කෙසේවෙතත් විදේශ විනිමය අර්බුදය හේතුවෙන් ඖෂධ ආනයනය කිරීමේ ප්රමාදයක් සිදු වූ බව සෞඛ්ය අමාත්යවරයා මෙහිදී පිළිගනු ලැබුවා.
ශ්රී ලංකාවට ඉන්දියාවෙන් බාල ඖෂධ ගෙන්වන බවට විපක්ෂය එල්ල කරන චෝදනා සම්බන්ධයෙන් ප්රතිචාර දක්වමින් සෞඛ්ය අමාත්යවරයා කියා සිටියේ ඒවායේ කිසිදු සත්යතාවයක් නොමැති අතර රජය ආනයනය කරන ඖෂධ නියමිත ප්රමිතියෙන් යුක්ත බවයි.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
