බස්නාහිර පළාතේ පොදු ප්රවාහන හා පාසල් බස් රථවල රියැදුරන් සහ සහායකයින් 1,000ක පමණ පිරිසක් මේ දක්වා ක්ෂණික ප්රතිදේහ ජනක පරික්ෂාවට ලක්කර ඇති අතර
එහිදී ඉන් තිදෙනෙකු කොවිඩ් ආසාදිතයින් ලෙස හඳුනාගත් බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා පැවසීය.
මේ අතර ලංකා ගමනා ගමන මණ්ඩලයට අයත් තණමල්විල ඩිපෝවේ සේවකයින් 6දෙනෙකුට කොවිඩ්-19 ආසාදනය වී ඇති බව තහවුරු වී තිබේ.
රියදුරන් තිදෙනෙකුට සහ කොන්දොස්තරවරු තිදෙනෙකුට මෙලෙස කොරෝනා ආසාදනය වී ඇත. පසුගිය 21 වැනිදා සිදුකළ පී.සී.ආර්. පරීක්ෂණයකින් මේ බව තහවුරු වූ බව මහජන සොෟඛ්ය පරීක්ෂකවරුන් සදහන් කරයි.
මේ හේතුවෙන් සෙසු සේවකයින් ද සේවයට වාර්තා නොකිරීමෙන් ඩිපෝවේ කටයුතු සම්පූර්ණයෙන් ඇණහිටි ඇති අතර සේවකයින් 103දෙනෙකු ද ඊයේ (25) පී.සී.ආර්. පරීක්ෂණයකට ලක් කර ඇති බව ඩිපෝ කළමණාකාරවරයා සඳහන් කරයි.
මෙම තත්ත්වය මත තණමල්විල ලංගම ඩිපෝවෙන් ධාවනය වන සියලුම බස් රථ ධාවනය නොවන බව ඩිපෝ කළමනාකාරවරයා වැඩිදුරටත් සදහන් කරයි.
