තමන්ව අත්අඩංගුවට ගැනීමට පෙර අපේක්ෂිත ඇපයක් නියම කරන ලෙස ඉල්ලා ස්වරණමහල් ෆයිනැන්ෂියල් සර්විසස් සමාගමේ හිටපු අධ්යක්ෂවරු තුන්දෙනෙකු ඉදිරිපත් කර තිබෙන අපේක්ෂිත ඇප පෙත්සම් මේ මස 27 වනදා සලකා බැලීමට කොළඹ මහේස්ත්රාත් අධිකරණය නියම කළා. එහෙත් අපේක්ෂිත ඇප පෙත්සමක් ඉදිරිපත් කර තිබූ අදාළ සමාගමේ තවත් අධ්යක්ෂවරියක වන දීපා එදිරිසිංහගේ පෙත්සමේ තිබූ මුද්රණ දෝෂයක් හේතුවෙන් එම පෙත්සම ප්රතික්ෂේප කරන බවයි කොළඹ ප්රධාන මහේස්ත්රාත් මොහොමඩ් මිහායිල් නියෝග කළේ. කෙසේ වෙතත් ජීවක එදිරිසිංහ, නාලක එදිරිසිංහ සහ අසංක එදිරිසිංහ ඉදිරිපත් කළ අපේක්ෂිත පෙත්සම් මේ මස 27 වනදා විභාගයට ගන්නා බවත් වගඋත්තරකරුවන් ලෙස නම් කර ඇති අපරාධ පරීක්ෂන දෙපාර්තමේන්තුවේ අධ්යක්ෂවරයා වෙත නොතීසි නිකුත් කරන බවත් ප්රධාන මහේස්ත්රාත්වරයා සඳහන් කළා.
