ශ්රී ලංකා සංඥා බලකායේ භටපිරිස් විසින් මින්නේරියේ ඉදිකළ ‘මිරිදිය පවන’ නිවාඩු නිකේතනය පසුගිය 09) දින දැඩි සෞඛ්යාරක්ෂිත ක්රමවේදයන්ට අනුකූලව පැවැති උත්සවකදී විවෘත කරන ලදී.
යුද්ධ හමුදා මාණ්ඩලික ප්රධානි සහ ශ්රී ලංකා සංඥා බලකායේ කර්නල් සේනාවිධායක මේජර් ජෙනරල් ප්රභාත් දෙමටම්පිටිය ගේ ආරාධනයකට අනුව, නව නිවාඩු නිකේතනය විවෘත කිරීමේ උත්සවයයේ ප්රධාන ආරාධිත අමුත්තා ලෙස ආරක්ෂක මාණ්ඩලික ප්රධානි සහ යුද්ධ හමුදාධිපති ජෙනරල් ශවේන්ද්ර සිල්වා සහභාගි විය.
මින්නේරිය වැව ආසන්නයේ මනරම් පරිසරයක පිහිටා ඇති නව නිවාඩු නිකේතනයේ ඉදිකිරීම් කටයුතු මේජර් ජෙනරල් ප්රභාත් දෙමටම්පිටියගේ පූර්ණ අධීක්ෂණය යටතේ සිදුකෙරිණි. මෙම අවස්ථාවට සපැමිණි යුද්ධ හමුදාධිපතිතුමන් මහත් හරසරින් යුතුව පිළිගැනීමෙන් අනතුරුව මහ සංඝරත්නයේ සෙත්පිරිත් සඡ්ඣායනා මධ්යයේ උත්සවය කටයුතු ආරම්භ විය.
සෙත් පිරිත් සඡ්ඣායනා මධ්යයේ, යුද්ධ හමුදාධිපති ජෙනරල් ශවේන්ද්ර සිල්වා ගේ සුරතින් පීත්ත පටිය කපා නවතමයෙන් ඉදිකළ ‘මිරිදිය පවන’ නිවාඩු නිකේතනයේ විවෘත කරන ලදී. පසුව, අභිනවයෙන් ඉදිකළ නිවාඩු නිකේතනය නිරික්ෂණය කළ යුද්ධ හමුදිධිපතිතුමන් ඉදිකිරීම කටයුතු සඳහා ශ්රමදායකත්වය ලබාදුන් භටපිරිස් සමඟ ද සුහදව අදහස් හුවමාරු කරගත්හ.
ඉන් අනතුරුව, මෙම අවස්ථාව සංකේතවත් කරමින් යුද්ධ හමුදාධිපතිතුමන් එම පරිශ්රයේ පැළයක් ද රෝපණය කළේය.
මෙම අවස්ථාවට යුද්ධ හමුදා මාණ්ඩලික ප්රධානි සහ ශ්රී ලංකා සංඥා බලකායේ කර්නල් සේනාවිධායක මේජර් ජෙනරල් ප්රභාත් දෙමටම්පිටිය, ප්රධාන සංඥා නිලධාරී මේජර් ජෙනරල් අදීප තිලකරත්න, තොරතුරු තාක්ෂණ අධ්යක්ෂ ජෙනරල් මේජර් ජෙනරල් අශෝක පීරිස්, නැගෙනහිර ඉදිරි නඩත්තු පෙදෙසේ ආඥාපති බ්රිගේඩියර් අතුල ආරියරත්න, මින්නේරිය පාබල පුහුණු මධ්යස්ථානයේ සේනාවිධායක බ්රිගේඩියර් ප්රියන්ත ජයවර්ධන, සංඥා බලසේනාවේ බලසේනාධිපති බ්රිගේඩියර් ලලිත් ප්රේමසිරි ඇතුළු නිලධාරීන් සහ සෙසුනිලයින් රැසක් සහභාගි වූහ.
