පවතින කොරෝනා වසංගත තත්ත්වය මැඩ පැවැත්වීම සඳහා ඇති විද්යාත්මක ක්රමය වන්නේ දැඩි සංචරණ සීමා පැනවීම බව කොළඹ වෛද්ය පීඨයේ ප්රජා වෛද්ය අංශයේ ප්රධානී මහාචාර්ය මනුජ් වීරසිංහ මහතා අවධාරණය කර තිබෙනවා.
සති දෙකක් තුළ මෙරට භූමියේ වෛරසය පැතිරීමේ සීග්රතාව පිළිබඳව හදුනා ගැනීම සඳහා සිදුවී තිබෙන මරණ සංඛ්යාවෙන් හැකියාව ලැබී තිබෙනවා.
මෙම තත්ත්වය අනුව "අප විසින් මීට වඩා අසාද්ය රෝගීන් සංඛ්යාවක් මැයි මාසය අග සහ ජුනි මූල බලාපොරොත්තු විය යුතුයි" යන බව ඔහු සඳහන් කළා.
මේ හේතුවෙන් පැහැදිලිවම දැඩි සංචරණ සීමා පැනවිය යුතු බවද මෙලෙස පනවා ඇති සංචරණ සීමා කාලය මෙම රෝගය මැඩ පැවැත්වීම සඳහා අවම වන බව ද ඔහු සඳහන් කළා.
ඔහු වැඩිදුරටත් ප්රකාශ කර සිටින්නේ එන්නත්කරණය හරහා මෙය නැවැත්විය නොහැකි බවයි. එසේ නොකළහොත් මෙරට ජනතාවගෙන් සියයට හැත්තෑවක පමණ ප්රමාණයකට එන්නත ලබා දිය යුතු බවත් එලෙස ලබා දීමට ප්රමුඛතා පිලිවෙල National Vaccine deployment plan හි අන්තර්ගත වන බවයි.
