විස්සයි විස්ස තරගාවලි සඳහා ක්‍රීඩකයන් 18 දෙනකුගෙන් සමන්විත නවතම බටහිර ඉන්දීය කොදෙව් දූපත් සංචිතය නම් කර තිබෙනවා.
මෙම කොදෙව් විස්සයි 20 සංචිතය නම් කරනු ලැබ ඇත්තේ ඉදිරියේදී දකුණු අප්‍රිකාව, ඔස්ට්‍රේලියාව සහ පාකිස්තානය සමඟ පැවැත්වෙන තරගාවලි ඉලක්ක කරමිනි.
අන්තර්ජාතික විස්සයි20 ක්‍රිකට් පිටියේ ප්‍රබලතම තුන්ඉරියව් ක්‍රීඩකයකු වන ඇන්ඩ්‍රි රසල් සහ ප්‍රබල පිතිකරු ෂිම්රොන් හෙට්මේයර් මෙවර කොදෙව් සංචිතයට නම් කිරීම කැපී පෙනෙන අතර පසුගිය මාර්තු මාසයේ ශ්‍රී ලංකා සංචාරයට එක්වීමෙන් පසු පළමුවරට යලිත් රසල් සංචිතයට ඇතුළත් වී තිබෙනවා.
හෙට්මේයර් ශාරිරික යෝග්‍යතා ගැටලුවක් හේතුවෙන් පසුගිය මාර්තු මාසයේ ශ්‍රී ලංකා සංචාරයට ඇතුළත්ව නොසිටියේය.
මෙම නව කොදෙව් විස්සයි20 සංචිතයට කීරන් පොලාඩ් (නායක), නිකලස් පූරන් (උපනායක), ෆේබියන් ඇලන්, ඩ්වේන් බ්‍රාවෝ, ශෙල්ඩන් කොට්රල්, ෆිඩෙල් එඩ්වඩ්ස්, ඇන්ඩ්‍රි ෆ්ලෙචර්, ක්‍රිස් ගේල්, ෂිම්රොන් හෙට්මේයර්, ජේසන් හෝල්ඩර්, අකීල් හොසේන්, එවින් ලුවිස්, ඔබෙඩ් මැකෝයි, ඇන්ඩ්‍රි රසල්, ලෙන්ඩල් සිමන්ස්, කෙවින් සින්ක්ලෙයාර්, ඔෂේන් තෝමස්, හේඩ්න් වෝල්ෂ්. ඇතුලත්වනවා.
