Header Ads

උණුසුම් පුවත්

ජුනි මාසයේ සිට මෙරට දෛනික කොවිඩ් මරණ සංඛ්‍යාව 200 ඉක්මවා යා හැකියි, ඇමරිකානු විද්‍යාලයක් අනතුරු අඟවයි


ජුනි මාසයේ සිට මෙරට දෛනික කොවිඩ් මරණ සංඛ්‍යාව 200 ඉක්මවා යා හැකි බව ඇමරිකාවේ වොෂින්ටන් විශ්ව විද්‍යාලයට අනුබද්ධිත සෞඛ්‍ය සමීක්ෂණ ආයතනයක් වන IHME ආයතනය අනතුරු අඟවනවා. 

එම ආයතනය විසින් සිදුකරන ලද ප්‍රක්ෂේපණ වාර්තා අනුව දැක්වෙන්නේ කෝවිඩ් ව්‍යාප්තිය පාලනය කර ගතහොත් සැප්තැම්බර් මස වන විට මරණ 20,000ක් පමණ සීමාවකින් එය වළක්වා ගත හැකි බවයි. 

කෙසේ වෙතත් තත්ත්වය මීට වඩා බරපතළ වුවහොත් එය මරණ 30,000 දක්වා ඉහළ යා හැකි බවටත් ඔවුන් අනතුරු අඟවනවා. එමෙන්ම මෙම වාර්තාවන්ට අනුව පවතින තත්ත්වය අනුව ජුනි මස දෙවන සතිය වන විට දිනක දී වාර්තා විය හැකි මරණ සංඛ්‍යාව 244 ක් බවයි ඔවුන් පෙන්වා දෙන්නේ. 

එමෙන්ම පවතින ව්‍යසනකාරී තත්ත්වය තවත්  බරපතළ වුවහොත් එය 350 සීමාව දක්වා ඉහළ යා හැකි බවටත් ඔවුන් අනතුරු අඟවනවා. ඔවුන්ගේ වාර්තාවන්ට අනුව ශ්‍රී ලංකාවට කොවිඩ් -19 වසංගතයෙන් බරපතළම බලපෑම ඇතිකරන්නෙ ජුනි මාසයේ දෙවැනි සහ තුන්වැනි සතිය අතරතුරයි. 

IHME ආයතනය වාර්තා කරන ආකාරයට ජුනි මාසයේ දෙවැනි සහ තෙවැනි සතිය ඇතුළත මෙරට දෛනික මරණ සංඛ්‍යාව 265 සිට 307 දක්වා ඉහළ යා හැකියි. ඔවුන් තවදුරටත් පෙන්වා දෙන්නේ පවතින තත්ත්වය යටතේ ජූනි මාසයේ දෙවෙනි සහ දෙවැනි සතිය ඇතුලත මරණ දිනකට මරණ 250ක් 260 ත් අතර සංඛ්‍යාවක් වාර්තා විය හැකි බවයි. 

කෙසේ වෙතත් පවතින තත්වය  පාලනය කර ගැනීම සඳහා ජුනි මස පළමු සතිය අවසන් වන විට දැඩි සත්කාර ඇඳන් 3500 ආසන්න ප්‍රමාණයක් අවශ්‍ය බවත් රෝගී සත්කාර ඇඳන් 20700 ආසන්න සංඛ්‍යාවක් අවශ්‍ය බවත් ඔවුන් පෙන්වා දෙනවා.