Header Ads

උණුසුම් පුවත්

රුපියල් මිලියන 28කට කේරළ ගංජා නාවික හමුදා භාරයට


ශ්‍රී ලංකා නාවික හමුදාව නගර්කෝවිල් වෙරළ ප්‍රදේශයේ අද (07) දින සිදු කළ විශේෂ පාමුර සංචාරයකදී කේරළ ගංජා කිලෝ 96 ක පමණ තොගයක් නාවික හමුදා භාරයට ගැනීමට කටයුතු කෙරිණි.

උතුරු නාවික විධානය මගින් නගර්කෝවිල් වෙරළ ප්‍රදේශයේ අද (07) උදෑසන සිදු කළ මෙම විශේෂ පාමුර සංචාරයේ දී වෙරළට ආසන්න භූමියක ගෝනි 03ක අසුරන ලද කේරළ ගංජා කිලෝ 96ක පමණ ප්‍රමාණයක් නාවික හමුදා භාරයට ගන්නා ලදී. නාවික හමුදා මෙහෙයුම් හේතුවෙන් මෙම කේරළ ගංජා තොගය ජාවාරම් කරුවන් විසින් අතහැර දමා යන්නට ඇතැයි විශ්වාස කෙරේ.

තවද, මෙම කේරළ ගංජා තොගයේ විථි වටිනාකම රු.මිලියන 28කට අධික වෙතැයි විශ්වාස කෙරේ.