Header Ads

උණුසුම් පුවත්

තවත් පොලිතීන් හා ප්ලාස්ටික් නිෂ්පාදන 11ක් තහනම් වෙයි


පොලිතීන් හා ප්ලාස්ටික් ආශ්‍රයෙන්  නිපදවන  තවත් නිෂ්පාදන 11ක් තහනම් කිරීමට පරිසර අමාත්‍යංශය කටයුතු සූදානම් කර තිබෙනවා.

පසුගිය මාර්තු 31 දින සිට ක්‍රියාත්මක වන පරිදි පරිසර හානියට ඉවහල්වන නිෂ්පාදන වර්ග 05ක් තහනම් කිරීම සඳහා අඅමාත්‍යංශය කටයුතු කළා.

ඒ අනුව මෙම දෙවන ලැයිස්තුවට ඇතුළත් නිෂ්පාදන තහනම් කිරීම  කඩිනම් කරන්නැයි පරිසර අමාත්‍ය මහින්ද අමරවීර මහතා මධ්‍යම පරිසර අධිකාරියට උපදෙස් ලබා දී තිබෙනවා.

අමාත්‍යවරයා පෙන්වාදෙන්නේ මෙම දෙවන ලැයිස්තුවට අයත් භාණ්ඩ බහුතරයක් සඳහා  පරිසර හිතකාමී,  එමෙන්ම ඉක්මනින්ම දිරාපත්වන විකල්ප යොදා ගත හැකිව තිබියදී නිපදවන භාණ්ඩ බවත් එම භාණ්ඩ පොලිතීන් හා ප්ලාස්ටික් යොදාගෙන නිපදවීම නිසා දැවැන්ත පාරිසරික හානියකට අපේ රටට මුහුණ දීමට සිටින බවයි.

තහනම් කෙරෙන පොලිතීන් හා ප්ලාස්ටික් ලැයිස්තුව මෙන්න

  • කමිස ඇසුරුම්වල ඇති Shirt Clip,
  • එක්වරක් පමණක් භාවිත කර ඉවත ලන ප්ලාස්ටික් හැඳි, 
  • ගෑරුප්පු, පිහි ආහාර පෙට්ටි, යෝගට් / අයිස්ක්‍රීම් හැඳි, ආහාර ඇසුරුම් හා කෝප්ප, පිඟන්,
  • පොලිතීන් හා ප්ලාස්ටික්වලින් සකසන ලද පොස්ටර්, දැන්වීම්, කටවුට් හා විවිධ මාදිලියේ දැන්වීම්,  
  • එක්වරක් පමණක් භාවිත කර ඉවත ලන බීම බට (Straws) හා බීම කළතන (Stirrers), 
  • මිලිමීටර් 400-500 දක්වා පොලිතීන් හා ප්ලාස්ටික්වලින් නිෂ්පාදිත කුඩා ප්‍රමාණයේ සිලි සිලි බෑග් හා ෂොපිං බෑග් හා ග්‍රොසරි බෑග්, 
  • PET හා PVC වලින් නිෂ්පාදිත මි. ලී. 400ට අඩු කුඩා බෝතල්, PET හා PVC වලින් නිෂ්පාදිත මි. ලී. 750ට අඩු ප්‍රමාණයේ බෝතල්,
  • හඳුන්කූරු හා පහන්තිර ඇසුරුම් සඳහා පොලිතීන් යොදා ගැනීම,
  • පළතුරු හා එළවළු තැලීම වළක්වා ගැනීම සඳහා භාවිතා කරන Food Wrappers,
  • ක්ෂුද්‍ර ප්ලාස්ටික් අඩංගු හෝ ක්ෂුද්‍ර ප්ලාස්ටික් ඇට(Beads) අඩංගු පුද්ගලික සෞඛ්‍යරක්ෂණ ආලේපණ Personnel care Products, 
  • උණුසුම් ආහාර ද්‍රව්‍ය පිරිනැමීම සඳහා භාවිතා කරන ද්‍රව්‍ය ( ඉඳිආප්ප තට්ටු, ප්ලාස්ටික් හැඳි හා කෝප්ප යනාදිය ),