මොර්ඩනා එන්නතේ පළමු මාත්රාව ලබා ගැනීම සඳහා මහනුවර - උඩපේරාදෙණිය - ඔගස්ටාවත්ත ප්රදේශයේ එන්නත්කරණය මධ්යස්ථානයක් වෙත පැමිණි මෙම කාන්තාවට එන්නත එකවර අවස්ථා දෙකකදී ලබාදී ඇතඅයි වාර්තාවනවා.
ඉන්පසු අනතුරුව සංකූලතා පෙන්නුම් කිරීම හේතුවෙන් ඇය පේරාදෙණිය ශික්ෂණ රෝහලට ඇතුළත් කර තිබෙනවා.
මෙම සිද්ධිය සම්බන්ධයෙන් මහනුවර දිස්ත්රික් සෞඛ්ය සේවා අධ්යක්ෂවරයා විසින් පරීක්ෂණයක් පවත්වනු ලබන අතර මෙම පරීක්ෂණයේ වාර්තාව මධ්යම පළාත් සෞඛ්ය සේවා අධ්යක්ෂවරයාට අද(24) බාරදීමට නියමිතව තිබුනා.
මෙවැනි සිදුවීම් නැවත ඇතිවීම වැළැක්වීමට මධ්යම පළාතේ එන්නත් මධ්යස්ථානවල පූර්ව ආරක්ෂක ක්රියාමාර්ග රැසක් ගෙන ඇතැයිද සිද්ධියේ පරීක්ෂණ වාර්තාව ලැබුණු පසු ඒ සම්බන්ධයෙන් සුදුසු ක්රියාමාර්ග තමා ගන්නා බව ද මධ්යම පළාත් සෞඛ්ය සේවා අධ්යක්ෂ වෛද්ය නිහාල් වීරසූරිය මහතා පවසනවා.
මේ අතර පළාතේ සියලුම එන්නත් මධ්යස්ථානවල කටයුතු නිසි පරිදි අධීක්ෂණයට ලක් කරන්නැයි පළාත් සෞඛ්ය සේවා අධ්යක්ෂවරයා නිලධාරීන්ට උපදෙස් දුන්නේය.
උඩ පේරාදෙණියේ සිද්ධියෙන් පසු එවැනි වෙනත් කිසිදු සිද්ධියක් මෙතෙක් වාර්තා වී නැති බවත් පළාතේ එන්නත්කරණ කටයුතු සාර්ථකව සිදුවෙමින් පවතින බවත් ඔහු ප්රකාශ කළා.
මධ්යම පළාතේ 997535 දෙනෙකුට ජූලි 22 දිනය වන විට එන්නතේ පළමු හා දෙවෙනි මාත්රාව ලබාදී අවසන්ව ඇති බව පැවසූ පළාත් සෞඛ්ය සේවා අධ්යක්ෂවරයාද අද දිනය අවසන් වන විට එන්නත් කටයුතු සම්පූර්ණයෙන්ම අවසන් වනු ඇති බවද සඳහන් කළා.
මේ අතර කොරෝනා මාත්රා දෙකම එකවර ලබා ගැනීමෙන් සෞඛ්යමය වශයෙන් අවදානමක් ඇති නොවන බව ඖෂධ නිෂ්පාදනය, සැපයුම් හා නියාමන රාජ්ය අමාත්ය මහාචාර්ය චන්න ජයසුමන ප්රකාශ කර තිබෙනවා.
මධ්යම පළාතේ එන්නත්කරණ වැඩසටහන සඳහා ලැබී ඇති එන්නත් මාත්රා සංඛ්යාව එකොළොස් ලක්ෂ හැත්තෑ පන් දහසකි .