මහ ඔය ගංඟාවේ ඉහළ ප්රදේශවල ජල මට්ටම විශාල ලෙස ඉහළ යාම හේතුවෙන් ඉදිරි පැය කිහිපය තුළ විශාල මට්ටමේ ගංවතුර තත්ත්වයක් ඇතිවිය හැකි බවට වාරිමාර්ග දෙපාර්තමේන්තුව අනතුරු අඟවයි.
මීට අමතරව රත්නපුර ප්‍රදේශයේ පහත් බිම් යටවීමේ අවදානමක් බවතින බව ත් මේ වන විටත් කළු සහ ගිං යන ගංගාවන්හි ජල මට්ටම් ද ඉහළ ගොස් ඇති බව ත් ආපදා කළමනාකරණ මධ්යස්ථානය සඳහන් කරයි.
වාරිමාර්ග දෙපාර්තමේන්තුව මගින් මහ ඔය ද්රෝණිය තුළ නඩත්තු කරන ගිරිඋල්ල ජල මිනුම් ස්ථානයේ අද (නොවැ. 9) පෙ.ව. 7.00ට ජල මට්ටම මීටර් 8.94 දක්වා ඉහළ ගොස් ඇති බව ත් මේ තත්ත්වය මත අලව්ව, දිවුලපිටිය, මීරිගම, පන්නල, වෙන්නප්පුව, මීගමුව, කටාන, නාරම්මල සහ දංකොටුව යන ප්‍රාදේශීය ලේකම් කොට්ඨාශවලට අයත් මහ ඔය නිම්නයේ පහත්බිම් ප්රදේශවලට මෙම ගංවතුර අවදානම් පවතින බවට නිවේදනය කර තිබේ.
ඒ අනුව, පවතින අවදානම් තත්ත්වයෙන් ජීවිත සහ දේපළ ආරක්ෂා කර ගැනීම සඳහා ජනතාවට දැඩි සැලකිල්ලෙන් කටයුතු කරන ලෙස ත් එම ප්රදේශවල වාහන ධාවනය කිරීමේදි රියැදුරන්ට ප්රවේශම් වන ලෙස ත් වාරිමාර්ග දෙපාර්තමේන්තුව දන්වා සිටියි.
මේ අතර, පුත්තලම නගරයේ සිට කොළඹ දෙසට ඇති පාලවි ප්රදේශය, පුත්තලම සිට කුරුණෑගල මාර්ගය අරලිය උයන, 2 කණුව, තම්බපන්ණි යන ප්රදේශවල මාර්ග කි.මී. 2ක් පමණ දුරට ජලයෙන් යටවී ගමනාගමනය අඩාල වී ඇති හෙයින් විකල්ප මාර්ග භාවිත කරන ලෙස ආපදාකළමනාකරණ දෙපාර්තමේන්තුව දැනුම් දී තිබේ.
පසුගිය දින කිහිපයේ කුරුණෑගල සහ පුත්තලම දිස්ත්රික්කවල අධික වර්ෂාපතනයක් වාර්තා වුණු බව ද ආපදා කළමනාකරණ මධ්යස්ථානයේ අධ්යක්ෂවරයා පැවසී ය.
මේ අතර මහනුවර, නුවරඑළිය, බදුල්ල, කෑගල්ල, ගාල්ල, සීතාවක යන ප්රදේශවලට නිකුත් කර ඇති නායයාම් නිවේදනය තවදුරටත් බලපැවැත්වෙන බව ද ඔහු පැවසීය./ppඑම අධ්යක්ෂවරයා සඳහන් කළේ, ආපදා තත්ත්වයන් හේතුවෙන් මේ වන විට මාතලේ, බදුල්ල සහ නුවරඑළිය යන දිස්ත්රික්කවල පුද්ගලයින් 221 දෙනෙකු ආරක්ෂිත ස්ථාන වෙත යොමු කර ඇති බවයි.
මේ අතර පවතින අයහපත් කාලගුණ තත්ත්වය හේතුවෙන් මේ වන විට පුද්ගල මරණ 6ක් සහ නිවාස 700කට ආසන්න ප්රමාණයකට අර්ධ හානි සිදුව ඇති බව ත් ඔහු සඳහන් කරයි.
මේ අතර, පවතින අයහපත් කාලගුණ තත්ත්වය හෙට (නොවැ. 10) දිනය දක්වා පැවතිය හැකි බවට කාලගුණ විද්‍යා දෙපාර්තමේන්තුව අනතුරු අඟවා ඇත.
