අඩු ආදායම්ලාභීන්ට රජයෙන් සහන

 රට මුහුණ දී සිටින දැඩි ආර්ථික අර්බුදය හමුවේ අඩු ආදායම්ලාභී පවුල් සඳහා මාස 3ක් දක්වා අමතර දීමනාවක් ලබා දීමට රජය තීරණය කර තිබෙනවා.

ඒ අනුව මැයි මාසයේ සිට ජූලි මාසය දක්වා අදාළ සහන ලබාදීමට නියමිත බව අද (03) පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් වෙළෙඳ අමාත්‍ය ෂෙහාන් සේමසිංහ මහතා පැවසුවා.

මුදල් අමාත්‍යවරයා සහ සමෘද්ධි සංවර්ධන අමාත්‍යවරයා විසින් ඉදිරිපත් කළ යෝජනාවකට කැබිනට් අනුමැතිය හිමි වී තිබෙනවා.

ඒ අනුව පවුල් ඒකක මිලියන 3.34 ක් සඳහා මාසයකට රුපියල් මිලියන 4,455ක් වශයෙන් මාස තුනට රුපියල් මිලියන 13,364ක් වැය කිරීමට බලාපොරොත්තු වන බව අමාත්‍යවරයා සදහන් කළා.

ඒ අනුව, 

• දැනට රු 2,000ක් ලබන වැඩිහිටි දීමනාවට අමතරව රු3,000ක් එකතු කර රු 5,000ක දීමනාවක් 
• දැනට අවුරුදු 100ට වැඩි වැඩිහිටි දීමනාව ලෙස රු 5,000ක ලබන ජ්‍යෙෂ්ඨ පුරවැසියන්ට අමතරව රු 2,500ක මුදලක්
• වැඩිහිටි දීමනාව ඉල්ලා පොරොත්තු ලේඛන ගත කර සිටින අයට රු 5,000ක දීමනාවක්
• දැනට ආබාධිත දීමනාව ලෙස රු 5,000ක් ලබන ප්‍රතිලාභීන්ට අමතරව රු 2,500ක මුදලක්
• ආබාධිත දීමනාව ඉල්ලා පොරොත්තු ලේඛනයේ සිටින පුද්ගලයින්ට රු 5,000ක දීමනාවක්
• දැනට වකුගඩු රෝගීට ලබාදෙන රු 5,000ක දීමනාවට අමතරව රු 2,500ක මුදලක්
• වකුගඩු රෝගී දීමනාවට ඉල්ලා පොරොත්තු ලේඛනයේ සිටින ජනතාවට රු 5,000ක්
• දැනට සමෘද්ධි දීමනාව ලබන ප්‍රධාන කාණ්ඩ 3ක පුද්ගලයින්ට සහ පොරොත්තු ලේඛනයේ සිටින පුද්ගලයින්ට අමතර දීමනා හිමිවේ.
• ඒ අනුව දැනට රු 1,900ක සමෘද්ධි දීමනාවක් ලබන පුද්ගලයින්ට අමතරව රු 3,100ක මුදලක් හිමිවේ.
•  දැනට රු 3,200ක සමෘද්ධි දීමනාවක් ලබන පුද්ගලයින්ට අමතරව රු 3,100ක මුදලක් හිමිවේ.
• දැනට රු 4,500ක සමෘද්ධි දීමනාවක් ලබන පුද්ගලයින්ට අමතරව රු 3,000ක මුදලක් හිමිවේ.
• මේ අතර සමෘද්ධි දීමනාව සඳහා ඉල්ලුම් කර ඇති   පවුල් ඒකක 732,000ක පිරිසකට රු 5,000ක දීමනාවක් මාසිකව ඉදිරි මාස තුන සඳහා ලබාදීමට නියමිතය. 

අපගේ WhatsApp  පුවත් සේවාවට එක්වී මෙවැනි පුවත් ඔබ අතටම ලබාගන්න.

https://chat.whatsapp.com/GpI5rvea6FI2qxLmLS77Y5

අපගේ පහත සඳහන් පුවත් සේවාවන්ට ද එක්වන්න.