Header Ads

උණුසුම් පුවත්

නිවාඩු නිකේතන පොකුරක් නිසා ඔස්ට්‍රේලියාවේ ප්‍රාන්තයක් නැවතත් සති 02 ක් අගුලු දමයි


ඔස්ට්‍රේලියාවේ වික්ටෝරියා ප්‍රාන්තය සති 02 ක් අගුලු දැමීම ආරම්භ කිරීමත් සමග වික්ටෝරියා බලා පියාසර කිරීමට නියමිත ගුවන් යානා අත්හිටුවා ඇති බව මහ ඇමති ඩැනියෙල් ඇන්ඩෘස් පවසනවා.

මේ වන විටත් ප්‍රාන්තයට සංචාරය ආරම්භ කර ඇති මගීන් 100කට වැඩි ප්‍රමාණයක් රැගෙන යන ගුවන් යානා හැරෙන්නට බ්‍රහස්පතින්දා වනතෙක් වෙනත් කිසිදු යානයකට වික්ටෝරියා වෙත ගුවන් ගමන් සඳහා ඉඩ නොදෙන බවද මහ ඇමති පැවසුවා.

මෙම තීරණයෙන් බොහෝ දෙනෙකු අපහසුතාවට පත්වන්නට ඇති බවයි ඇන්ඩෘස් සිය දෛනික ප්‍රවෘත්ති සාකච්ඡාවේදී පැවසුවේ.

නමුත් තවත් සති දෙකක කාලයක් ගොස් ආපසු හැරී බැලුවොත්, මෙම තීරණය දැන් ගැනීම හොඳ යැයි බොහෝ දෙනෙකු විශ්වාස කරනු ඇති බවද ඔහු පැවසුවා.

වික්ටෝරියා ප්‍රාන්තය අද (13දා) තවත් අතිරේක කොවිඩ් -19 ආසාදිතයෙක් වාර්තා කළ අතර, එය මෑත කාලීන නිවාඩු නිකේතන පොකුරට සම්බන්ධ වූවක් වනවා. එක්සත් රාජධානියේ ප්‍රභේදයේ තහවුරු වූ අවස්ථා 14ක් පොකුරු සමඟ සම්බන්ධ වී තිබෙනවා.