Header Ads

උණුසුම් පුවත්

චීනයේ නිෂ්පාදිත සයිනොෆාම් එන්නත දුන් කිසිවෙකුට මෙතෙක් අතුරු ආබාධ වාර්තා වී නෑ


චීනයේ නිෂ්පාදිත සයිනොෆාම් කොවිඩ් මර්දන එන්නත ලබාදුන් කිසිවෙකුටත් මෙතෙක් කිසිදු අතුරු ආබාධයක් වාර්තා වී නොමැති බව රාජ්‍ය අමාත්‍ය මහාචාර්ය චන්න ජයසුමන මහතා පවසයි.

ඒ අනුව මේ වන විට පුද්ගලයින් 71,203කට සයිනොෆාම් එන්නත ලබා දී ඇති බව රාජ්‍ය අමාත්‍යවරයා වැඩිදුරටත් කියා සිටියේය.

මේ අතර කොවිඩ් -19 ප්‍රතිශක්තිකරණ වැඩසටහන යටතේ ඊයේ (11) දිනයේ පුද්ගලයින් 65,803 දෙනෙකුට කොවිඩ් මර්දන එන්නත ලබාදී තිබේ.

සයිනොෆාම් එන්නත පුද්ගලයින් 50,493 දෙනෙකුට, ස්පුට්නික් V එන්නත පුද්ගලයින් 5,460 දෙනෙකුට ඊයේ දිනයේ ලබා ඇති අතර කොවිෂිල්ඩ් එන්නතේ දෙවන මාත්‍රා ද ඊයේ පුද්ගලයින් 9,850 දෙනෙකුට ලබා දුන් බව වසංගත රෝග විද්‍යා අංශය සඳහන් කළේය.

ඒ අනුව මේ වන විට මෙරට පුද්ගලයින් 1,007,783 දෙනෙකුට කොවිඩ් මර්දනය සඳහා වන පළමු එන්නත් මාත්‍රාව ලබාදී තිබේ.