කොවිඩ් එන්නත් ලබාදීම හඳුනාගත් රෝහල් මගින් සිදුකිරීම සඳහා වූ තම සංගමයේ යෝජනාව සෞඛ්ය සේවා අධ්යක්ෂ ජනරාල්වරයාට ලබාදෙන බව රජයේ වෛද්ය නිලධාරීන්ගේ සංගමය පවසනවා.
එහි සභාපති විශේෂඥ වෛද්ය අනුරුද්ධ පාදෙණිය මහතා කියාසිටියේ දවසේ වැඩි කාල පරාසයක් තුළදී එම රෝහල්වලින් එන්නත් ලබාගැනීමට මෙමගින් ඉඩ ප්රස්ථාව සැලසෙන බවයි.
කොවිඩ් මර්දන විශේෂ කමිටුව ඊයේ (25) පෙරවරුවේ ජනාධිපති කාර්යාලයේ රැස්වූ අවස්ථාවේ දී මේ කරුණු කියාසිටියා.
මේ අතර කොවිඩ් මර්දන එන්නත් මිලදී ගැනීමේ ප්රසම්පාදන ක්රියාවලියේ දී ශ්රී ලංකාව අනුගමනය කරන ක්රමවේදය කෙරෙහි ලෝක බැංකුවේ ප්රසාදය පළවී තිබෙන බවද රැස්වීමේදී අනාවරණය වුනා.
එසේම එන්නත් මිලදී ගැනීමේදී විනිවිදභාවය සහ ක්රමවත් බව හේතුවෙන් දකුණු ආසියානු රටවල ආයතන හා සැසදීමේදී රාජ්ය ඖෂධ නීතිගත සංස්ථාව ඉදිරියෙන්ම සිටින ආයතනය ලෙස ලෝක බැංකුව හඳුනාගෙන ඇතැයිද රාජ්ය ඖෂධ නීතිගත සංස්ථාව සභාපති වෛද්ය ප්රසන්න ගුණසේන මහතා පෙන්වාදුන්නා.
ඒ සඳහා ලබාදෙන පිළිගැනීමක් ලෙස එන්නත් මිලදී ගැනීමේ දී ලෝක බැංකු වෙබ් අඩවිය හරහා ගෙවීම් සිදුකිරීමේ අවකාශය ශ්රී ලංකාවට හිමි වන බවද ඔහු කියා සිටියා.
#newslk #newslka #lka #SriLankaNews #bottomline #bottomlinenews #පුවත් #Covid19 #Covid19UpdateSriLanka #CovidSriLanka #Covid
