කුරුවිට ප්රාදේශීය සභා මන්ත්රී එස්.රත්නසිරි මහතා එම ධූරයෙන් ඉවත් කර වෙනත් අයකු නම් කිරීම වළකමින් ශ්රී ලංකා පොදුජන පෙරමුණේ ලේකම් සාගර කාරියවසම් මහතාට එරෙහිව ලබන මස 12 වනදා දක්වා බලපැවැත්වෙන පරිදි කොළඹ දිසා විනිසුරු අරුණ අලුත්ගේ මහතා අද වාරණ නියෝගයක් නිකුත් කර ඇත.
අදාළ සිද්ධිය සම්බන්ධයෙන් කරුණු දක්වන්නැයි එහි වගඋත්තරකරුවන් වන ශ්රී ලංකා පොදුජන පෙරමුණේ ලේකම් සාගර කාරියවසම් සහ අමාත්ය වාසුදේව නානායක්කාර යන අයට නොතීසි නිකුත් කර තිබෙනවා.
පසුගිය වසරේ මැයි 20 වනදා කුරුවිට ජල යෝජනා ක්රමය අසලදී වාසුදේව නානායක්කාර මහතාට අවමන් සහගත ලෙස බැන වැදුණේ යැයි චෝදනා කරමින් තමාව ඉවත් කර වෙනත් අයෙකු පත් කරන ලෙස එම අමාත්යවරයා පොදුජන පෙරමුණේ ලේකම්වරයාගෙන් ඉල්ලීමක් කර ඇති බවට රත්නසිරි මහතා පැමිණිලි කර තිබෙනවා.
එම පැමිණිල්ලේ ඔහු වැඩිදුරටත් සඳහන් කරන්නේ තමාව පක්ෂයෙන් නෙරපීම නීතියට පටහැනි බැවින් එම පුරප්පාඩුව සඳහා වෙනත් අයකු පත් කිරීම වළක්වාලමින් වාරණ නියෝගයක් නිකුත් කරන ලෙසයි.
#newslk #newslka #lka #SriLankaNews #bottomline #bottomlinenews #පුවත් #Covid19 #Covid19UpdateSriLanka #CovidSriLanka #Covid
