වටිනාම මැණික් කුලය වන කොරනන්ඩම් කුලයට අයත් ලොව මෙතෙක් හමුවී ඇති විශාලතම ආරනූල් මැණික් සමුහය (star sapphire cluster) ලෙස සැලකිය හැකි මැණික් පාෂාණයක් රත්නපුරය, කහවත්ත, පැල්මඩුල්ල ප්රදේශයෙන් හමුවී ඇත. මැණික් හා ස්වර්ණාභරණ අධිකාරියේ සභාපති තිලක් වීරසිංහ මහතා පැවසුවේ මෙම මැණික් පාෂාණය කිලෝ ග්රූම් 510ක් (කැරට් 25,50,000ක්) පමණ බරැති බවත් මෙහි වටිනාකම රුපියල් කෝටි 2,000ක් වැඩි විය හැකි බවය.
ලා නිල් පැහැය මිශ්ර මෙම මැණික් සමූහයේ සියයට 99.9ක්ම ආරනූල් වර්ගයේ මැණික්ගල් වන අතර ලොව වටිනාකමින් වැඩි මැණික් වර්ගයක් ලෙස ආරනූල් සැලකේ. මෙම ආර්නූල් මැණික් සමුහයේ මිල වටිනාකම ඇමෙරිකානු ඩොලර් මිලියන 100ක් (රුපියල් කෝටි 2,000ක්) ලෙස ගණන් බලා ඇත.
තරඟකාරී ඉල්ලුමක් ඇතිවුවහොත් ඊට වඩා වැඩි මිල ගණනකට මෙය අලෙවි කිරීමට හැකිවනු ඇතැයි ද තිලක් වීරසිංහ මහතා පැවසීය.
මිදි පොකුරක් මෙන් වූ මැණික් ගල් සමූහයකින් මෙම පාෂාණය සමන්විත වන බවත් ප්රංශය, ඉතාලිය වැනි රටවලින් මේ වන විටත් මෙම ආර්නූල් මැණික් සමුහය සම්බන්ධයෙන් විමසමින් සිටින බව සභාපතිවරයා සඳහන් කළේය.
කහවත්ත පැල්මඩුල්ල ප්රදේශයේ බලපත්ර සහිත මැණික් ව්යාපාරිකයෙකුට අයත් ඉඩමක ළිඳක් කපද්දී මෙම මැණික් පාෂාණය හමුවූ බවත් එහි හිමිකම පතල් හිමිකරු සතු බව ද
සභාපතිවරයා ප්රකාශ කළේය.
මෙහි පිටත දියමන්ති (ක්රිස්ටල්) හැඩැති කැටයම් විශාල ප්රමාණයක් ඇති බවත්, බැලූබැල්මට එය සුදු පැහයට හුරු වුවත් කොරන්ඩම් විශේෂයට අයත් මැණකක් බවත් ගෙවුඩ මැණික් පිළිස්සීමේ සහ අපනයනය කිරීමේ විශේෂඥයෙක් ද වන මැණික් ව්යාපාරිකයන්ගේ සහ පතල්කරුවන්ගේ සංගමයේ සභාපති පුන්සිරි තෙන්නකෝන් මහතා සඳහන් කළේය.
මෙම මැණික් ගල දහදෙනෙකුටවත් එසවිය නොහැකි තරම් විශාලත්වයෙන් යුක්ත බවත් ආරක්ෂක හේතූන් නිසා මැණික් ගලේ අයිතිකරුගේ අනන්යතාව හෙලිනොකරන බවත් පුන්සිරි තෙන්නකෝන් මහතා වැඩිදුරටත් පැවසුවේය.
මෙම මැණික් ගල දහදෙනෙකුටවත් එසවිය නොහැකි තරම් විශාලත්වයෙන් යුක්ත බවත් ආරක්ෂක හේතූන් නිසා මැණික් ගලේ අයිතිකරුගේ අනන්යතාව හෙලිනොකරන බවත් පුන්සිරි තෙන්නකෝන් මහතා වැඩිදුරටත් පැවසුවේය.
