සෞඛ්ය බලධාරීන් රජයෙන් ඉල්ලීමක් කර ඇතැයි වාර්තා වේ. එනම් ශීඝ්රයෙන් පැතිර යන කොවිඩ් වසංගතය පාලනය සඳහා අවම වශයෙන් සති හතරකටවත් රට වසා දමා නිරෝධායන ඇඳිරි නීතිය පනවන ලෙසයි.
කොවිඩ් ආසාදිතයින් තුන් දහසකට ආසන්න පිරිසක් දෛනිකව වාර්තා වෙමින් තිබෙන අතර, දෛනික මරණ සංඛ්යාවද සීයකට ආසන්න වෙමින් තිබීම සෞඛ්ය පද්ධතියට දරාගත නොහැකි මට්ටමට පැමිණෙමින් තිබෙන බැවින්, මෙවැනි ක්රියා මාර්ගයක් ගැනීම අත්යවශ්ය බව ඔවුන් රජයට දැනුම් දී ඇතැයි සෞඛ්ය ආරංචි මාර්ග සඳහන් කරයි.
ඉකුත් දින 13 ක කාලය තුළ පමණක් කොරෝනා මරණ දහසකට ආසන්න සංඛ්යාවක් වාර්තා වී ඇති අතර බොහෝ රෝහල්වල මෘත ශරීරාගාර ද කොවිඩ් මෘතදේහ වලින් පිරී ගොස් ඇත. රෝහල්වල වාට්ටු ද කොවිඩ් රෝගීන්ගෙන් පිරී පවතී.
රෝගීන් වාර්තා වීම අවම කර ගැනීම සඳහා කඩිනම් ක්රියාමාර්ග වලට යාම අත්යවශ්ය බව ද සෞඛ්ය බලධාරීන් පෙන්වා දී ඇතැයි දැනගන්නට තිබේ
