දුෂ්කර අවස්ථාවල එකට සිටි, එක අරමුණක් වෙනුවෙන් සටන් කළ සියලු පක්ෂ එක රෑනට එකට සිටිය යුතු බවත්, සමඟිය රැකීම ප්රධාන පක්ෂය වන ශ්රී ලංකා පොදුජන පෙරමුණේ වගකීමක් බවත් අග්රාමාත්ය මහින්ද රාජපක්ෂ මහතා පැවසීය.
ඔහු කියා සිටියේ ඇතැම් පක්ෂ කුඩා විය හැකි නමුත් දේශපාලනයේදී වැදගත් වෙන්නේ ලොකු කුඩා නොව අරමුණ බවයි.
අග්රාමාත්යවරයා පැවසුවේ ඒ කවුරුත් අපේ ආධාරක, කිහිලිකරු හෝ අතකොලු නෙවන බවයි.
ඔවුන්ද අපත් සමග එක අරමුණකට ගමන් කරන අය යැයි ද සඳහන් කළා.
කොළඹ නෙළුම් පොකුණ මහින්ද රාජපක්ෂ රඟහලේ දී පසුගියදා පැවති ශ්රී ලංකා පොදුජන පෙරමුණේ පස්වැනි සංවත්සර උළෙලට ප්රධාන ආරාධිතයා ලෙස එක්වෙමින් අගමැතිවරයා කියා සිටියේය.
සමඟිය අත වැනීම ශ්රී ලංකා නිදහස් පක්ෂයෙන් ලැබුණු උරුමයක් බව කී අග්රාමාත්යවරයා දුෂ්කර අවස්ථාවල එකට සිටි, එක අරමුණක් වෙනුවෙන් සටන් කළ කවුරුත් ඈත් කළ නොහැකි බව ද කීවේය.
අපගේ WhatsApp පුවත් සේවාවට එක්වී මෙවැනි පුවත් ඔබ අතටම ලබාගන්න.
