චීන සමාගමක් සිදු කළ තිස්ස වැවේ පස් හා මඩ ඉවත් කිරීමේ කටයුතු නතර කරවූ බව පුරා විද්යා අධ්යක්ෂ ජනරාල් ජ්යෙෂ්ඨ මහාචාර්ය අනුර මනතුංග මහතා පවසනවා.
ඔහු කියා සිටියේ ක්රිස්තු පූර්ව තුන්වන සියවසේ දී ඉදිකර ඇතැයි සැළකෙන තිස්ස වැවේ කවර ප්රතිසංස්කරණ කටයුත්තක් සිදුකළත් ඒ සඳහා පුරා විද්යා දෙපාර්තමේන්තුවේ අවසර ලබා ගත යුතු බවයි.
එවැනි කිසිදු අවසරයක් තොරව බර යන්ත්ර යොදාගෙන චීන සමාගමක් වැව හෑරීමේ කටයුතු සිදුකර ගෙන ගොස් ඇති බවත් මනතුංග මහතා පවසනවා.
අධ්යක්ෂ ජනරාල්වරයා සඳහන් කලේ පුරාවිද්යා දෙපාර්තමේන්තුවේ අවසර ලබා ගන්නා තුරු එම ව්යාපෘතිය නතර කරන්නැයි හම්බන්තොට දිස්ත්රික් පුරාවිද්යා සහකාර අධ්යක්ෂිකා වසන්තා අලහකෝන් මහත්මිය වාරිමාර්ග දෙපාර්තමේන්තුවට ලිඛිතව දන්වා ඇති බවයි.
ඒ අනුව ඉකුත් 25 දා එම කටයුතු නවත්වා තිබෙනවා.
කෙසේ වෙතත් මේ වනතුරුත් එකී කටයුතු සඳහා අවසර ඉල්ලා වාරිමාර්ග දෙපාර්තමේන්තුව ලිපියක් එවා නැතැයි ද ඔහු සඳහන් කළා.
#newslk #newslka #lka #SriLankaNews #bottomline #bottomlinenews #පුවත් #Covid19 #Covid19UpdateSriLanka #CovidSriLanka #Covid
