රටේ සියලුම ජනතාවට සැප්තැම්බර් මාසය වනවිට කොරෝනා එන්නතේ පළමු මාත්රාව ලබාදී අවසන් කිරීමටත් සැප්තැම්බර් මාසය වනවිට රට සම්පූර්ණයෙන්ම විවෘත කිරීමටත් බලාපොරොත්තුවන බව කොවිඩ් 19 පැතිරීම වැළැක්වීමේ ජාතික ක්රියාන්විත මධ්යස්ථානයේ ප්රධානී යුද හමුදාපති ජෙනරාල් ශවේන්ද්ර සිල්වා මහතා පවසනවා.
ඔහු පවසා සිටින්නේ රට හැමදාම වසාගෙන සිටීමට හැකියාවක් නෙමැත් බවත් කොවිඩ් තත්වයේ විශාල වෙසක් ඇති නොවුණහොත් ලබන සැප්තැම්බර් මාසය වනවිට රට සම්පූර්ණයෙන්ම විවෘත කිරීමට හැකි බවයි.
අවශ්ය සියලුම සෞඛ්ය ආරක්ෂක ක්රියාමාර්ග ගෙන රට විවෘත කිරීමට පියවර ගන්නැයි ජනාධිපතිවරයා සෞඛ්ය හා ආරක්ෂක අංශවලට නිතර උපදෙස් ලබාදෙන බවද ශවේන්ද්ර සිල්වා මහතා පවසනවා.
රමෙන්ම විදේශිකයන් සඳහා රට විවෘත කිරීමටද සාකච්ඡා අරඹා ඇති බවත් සංචාරක අමාත්ය ප්රසන්න රණතුංග මහතා මේ සම්බන්ධයෙන් දිගින් දිගටම කටයුතු කරමින් සිටින බවත් ඔහු ප්රකාශ කළා.
කොරෝනා එන්නත් දෙකම ලබාගෙන පැමිණෙන විදේශිකයන්ට පී. සී. ආර් පරීක්ෂණයකින් පසු මෙරටට ඇතුල්වීමට අවස්ථාව ලබාදිය හැකි වනු ඇතැයිද යුද හමුදාපතිවරයා වැඩිදුරටත් පැවසවා.
මෙරට එන්නත්කරණ වැඩපිළිවෙල වේගවත් කර ඇතැයි පැවසූ ඒ මහතා යුද හමුදාව ඇතුළු ත්රිවිධ හමුදාවේ වෛද්ය අංශ මේ සඳහා සිය උපරිම දායකත්වය ලබාදෙන බවද සඳහන් කරා.
